來到倫敦, 住係邊?

講完銀行戶口同電話, 一定要講下搵屋!!

其實唔好以為頭幾個星期一定要住酒店浪費盤川或者捱青年旅館

上網可以幫你預辦所有事情

我來英國之前就係Spareroom.co.uk 呢個網站搵房租。

由於倫敦租貴, 好多人都會出租一間或多間房同人Share間屋來供樓; 又或者有d家庭仔女大個搬走了,就會出租佢地間房幫補家計。

Spareroom就係一間可靠既網上Agent, 做中間人俾出租既人放自己物業既資料上去。

呢個網既好處係, 佢真係非常之User Friendly, 你可以入哂你心目中想租既物業既條件入去,

Filter out 你理想中想住既地區, 可以Afford既價錢等等。

我初初都係聽朋友講邊d區好d安全d,方便d, 同入心目中個價錢去搵房租的。

最後我租左一個女律師既一間房, 廚房同廁所共用; 一個星期屋租150鎊。

坦白不算太平, 可以有更平, 但地區來說我住的Hammersmith 是zone 2的大城市, 距離市中心15分鐘underground車程, 附近有所有要找的商店; 甚至有H&M, TK Max...真的非常方便。

而且我真係唔想同太多陌生人一齊住, 兩個女仔share一間屋就好好, 因為佢係屋主, 一定會好好清理間屋, 而且我唔洗擔心佢會偷我野, 所以都住得幾開心。

我間房:

屋企裝修企理, 有上網, 廁所浴室廚房全部都Well Decorated with full function!

而且個屋主仲幾nice tim! 所以我頭一個月可以無顧慮地去搵工同搵地方搬。

其實屋主都有offer 我長住, 只係我有一個好好既朋友都係倫敦, 佢想搬而我都想同佢一齊住;

又想慳d屋租, 所以就再搵一個Flat for rent

不過後來發現, Spareroom搵Flat for rent 麻麻地, 搵房好好有好多選擇, 但搵成個單位就得好少而且都偏貴, 所以如果要搵Flat 長租就要另外再去睇另一個叫Zoopla既網喇

下篇待續 關於長租下來的Flat!

英國電話卡 - 好介紹 Giffgaff

初初來到英國 除左銀行戶口之外 就係想盡快有電話卡

大部人都會同你講 你要有銀行戶口同住址証明之後 先可以開月費電話號碼

否則就要用Pay as you go  即係臨時電話卡 (增值打電話的SIM)

我當然初來報到都係好低能咁 用左Vodafone既SIM 

由於想Iphone上到網 仲要用有Data既SIM

一個月 我增值左4次 用左大概成50鎊 (HK$600)

後來一齊住的好朋友個男朋友幫佢上網訂左Giffgaff SIM

我先開始接觸 Giffgaff

簡單來講 Giffgaff 係網上電訊公司  沒有門市

玩法係去佢既網頁 輸入你既地址

Giffgaff就會寄一張Free SIM俾你

之後你只要去番Giffgaff homepage登記你張SIM 卡

你就可以有張用到既電話卡

你可以選擇增值用Pay as you go (比其他電訊公司便宜很多)

或者像我選擇Monthly Plan 

12鎊一個月包了500分鐘同Unlimited Data

最好的地方係你唔洗簽任何合約

一個月一個月埋單自己再上Giffgaff網renew 或者選用其他Plan

真係方便好多

另外講番銀行戶口同住址証明呢個問題

Giffgaff唔需要住址証明

亦唔需要持有英國戶口

我用香港張VISA 卡俾錢 一樣過到數 開到卡同用到

至於接收方面更加係無問題

因為Giffgaff係用英國最大電訊provider O2既網絡

所以大部分地方都收得好好

Unlimited 3G Data 更加係超好用 去邊都用到同可以睇片都唔驚爆Data

可恨我當初來果陣唔知道有Giffgaff...白白無左HK$600蚊

希望有其他要來英國既朋友睇到篇文 唔好再俾Vodafone同3 呃錢

去英國前的準備之- 銀行戶口

寫這類型文章真的好悶 不過無論如何都要寫
因為是親身經歷後得出的經驗 對其他將會去英國生活的朋友頗有用的

關於銀行戶口

我是未出發前先在香港HSBC, 用 Premier Account 於倫敦開戶口的。
你以為作為一間香港國際銀行 仲要Premier Account 開個戶口好易?
結果係我到左埗之後成個月 我先用到個戶口
中間仲要錯漏百出 其實End Up我發現 來到之後先開可能仲快有戶口用

要在倫敦有銀行戶口 有以下方法

A. 在香港HSBC國際銀行部 開立英國戶口

Reference: http://www.commercial.hsbc.com.hk/1/2/commercial_zh/international-business/opening-account

首先你本人要有HSBC 香港Account
打國際銀行部電話 : 2822 4257 (永遠都無人聽要留言 唔洗擔心 留言佢地會覆番)
留言要在英國開戶口
之後就會有人打俾你 預約開立戶口日子時間
HSBC境外戶口是一定要親臨匯豐銀行中環總行6樓國際銀行部 (仲要預約左) 開設的
如果你的戶口是普通理財戶口 你要交$1600 handling fee 佢先會幫你開 仲要等15個工作天
如果你的戶口是Premier 就可省掉Handling Fee
而且可以在10天內開到

我當然不是Premier Account 但我親愛的父親是
為左省卻 $1600 於是我同爸爸開聯名戶口
我地兩父女去左總行一個早上 開個戶口
填好哂d野之後 就等佢寄封信來 封信入面有security number
之後仲要打去英國premier 証實身份
之後等第二封信來就有張銀行卡
之後等第三封信來 就有個pin number
有齊呢堆野之後先可以用個戶口

結果等齊呢堆野我等左成個月
Provided that 我仲要去HSBC Premier 問左好多次
結果我去左3次先成功可以開始用個戶口

B. 去到英國先開

其實 只要有住址証明同passport 就可以一到埗就去銀行開本地戶口
當初我就係諗唔到點樣可以得到住址証明
Now my tips is:

每個來英國工作既人都要申請National Insurance Number (即係用來交稅既號碼)
只要打電話上去英國政府 Job centre plus 同佢講你要申請

https://www.gov.uk/apply-national-insurance-number

佢就會寄封信 同一張form 去你地址俾你
果封信3日就會寄到
而你就可以用果封信來做住址証明喇

申請Youth Mobility Scheme

本想不寫這篇文

想著大概有很多人寫過

但身邊又的確很多朋友問我

故且寫下給一些人參考

其實 我來倫敦工作生活 完全不是參加勞工處的working holiday scheme

因為跟香港有聯繫提供working holiday opportunity的國家 並不包括英國

我現在的visa是under U.K Youth Mobility Scheme (YMS)

整個Policy 跟政府line up的working holiday很不一樣

最大的不同是我可以在visa有效期2年內 從事任何工作 最長可以打同一份工2年

很多其他working holiday 是三個月要轉一次工的

Youth Mobility Scheme (YMS) 其實是英國的Temporary Visa

又叫Tier 5 Working Visa

但這Visa 並不是任何國藉的人都可以申請 也不包括香港人

我可以申請 是因為我97年前出世 拿British National Overseas Passport (BNO)

朋友問：我早早轉用特區戶照　點算

其實只要曾經有過BNO 只係過左期無效　你可以申請Renewal 重新獲得 BNO身份去申請呢個Visa 

( 其實我唔係好明，作為一個住Overseas既英國國藉市民；點解我要申請visa先可以來英國工作同居住？串囉，無得解釋架）

當然Renewal 是要錢的．．如何Renew 可follow以下website:

https://www.gov.uk/bno-passports/hong-kong

填好form 預約去拎passport　 大概４星期就可以得到新BNO

之後你就可以去申請YMS

基本上只要follow UK Border Agency 呢個網站　就可以申請到YMS

http://www.ukba.homeoffice.gov.uk/visas-immigration/working/tier5/youthmobilityscheme/

要申請你要:

1.持有有效BNO

2.有1800 GBP in bank account

3.Age under 31 

如果你乎合以上條件就可以Online Apply at Visa4uk　

https://www.visa4uk.fco.gov.uk/

online application最後一個Step是預約英國領事館交文件同見面

之後就要跟住UK Border Agency個網準備以下既文件去見領事：

1.VAF9 Point Based System Form (好無聊　一分鐘填完　用來証明你可以申請YMS）

2.VAF9 Appendix 7 Tier 5 Form （好煩，最煩的是你要找一個人做你guarantee, 証明你填既野全部係真，呢個人一定要係做有牌既工作例如：醫生，律師，老師，政府工等等　要有佢既簽名guarantee你張form）

3.Bank Statement / 紅簿仔証明你戶口有over 1800 GBP

4.BNO Passport＋身份証影印本

5.証件相

6. Online application Print out

交完文件　俾埋錢

等４個星期你就知道佢批唔批俾你

其實申請過程都好user friendly

都唔算太麻煩　一路都有website 同 email guide住你的

最後一樣想提提既係　你可以要求Visa start Valid at 邊一日

即係由你去決定你個Visa幾時生效

最耐可以係你交文件後３個月後

就算你唔洗Quit Job 我建議都最少留一個月俾自己準備

因為其實飛去之前都有ｄ野要先預備的

Life in London - 第一個月

不經不覺來左一個月
這一個月都頗難過
其實真的是性格問題 總是想盡快盡快settle down
想盡快開始賺錢
想盡快找到屋
想盡快有電話卡可以隨街上網
想盡快有銀行戶口

問題是: 英國人是不會跟你盡快的
只能邊努力 邊等
心急不來 總令我很煩躁
大概這算是第一個考驗

其實現在回看 一切事情已經算是相當順利
有份不錯的工 (起碼唔洗做中餐館)
第一個月的住處也真的很不錯 (在香港於spareroom租的)
終於找到了跟朋支分租的地方 (雖然舊, 但以區域來說算平及好安全)
明白了銀行戶口及電話卡這個遊戲如何玩

現在衣食住行settle down之後 是時候開始想想如何享受於英國生活
並學習擺脫香港的生活節奏及模式

自從自己住之後 先發現原來我是如此不獨立
單是打理家中大小事已令人煩惱不堪
邊感激父母從小照顧周到  邊想著要嫁一定要嫁一個懂得打理屋企的男人
經過這一個月 我真的進步了很多很多
我自己煮自己洗;洗衫,換床單, 執衣櫃, 清潔, 去超級市場格價, 買家庭用品
我已經開始...變左一個師奶 (只是沒有睇電視 因為仲未裝) Lol

關於Youth Mobility Scheme @ UK

這幾年好興working holiday。

以前兩個上司都曾問我, 為什麼所有80後都要去working holiday?

其實可以答得好負面, 都可以答得好正面

可以覺得是年青人, 想玩多過做, 無負擔, 所以去周遊列國, Holiday 為實, working只是為旅費。

也可以說是讀萬卷書不如行萬里路, 目標是體驗生活, 尋找自我。

我不懂得為所有人回答, 每個人做每件事都有自己的原因。

中七那年我18歲。當時已經很想往外地跑, 想讀外國大學。結果我考上了理工大學, 我父母因為不捨得我而勸我留在香港。一直到現在我都後悔為何當時我沒有爭取跟哥哥一樣, 要到外國讀書, 我只是默默接受這個學位。

大二那年我申請了兩個出國的working placement, 人人都申請一個, 我申請了兩個。因為我想要去外國生活, 我想要有幾耐去幾耐。我相信去過不同的地方, 碰上過跟你生活,成長, 文化都大大不同的人, 真的會擴闊你的世界和視野。

可惜那兩個placement不夠. 不夠好因為所有事情都有人為你安排好了, 不夠好因為時間太短, 但都成了我至今最珍惜的時光。

我想補回當初那個遺憾, 我想接受文化衝擊, 我想對英國這個情有獨鐘地方有更深的體驗, 我想為生命找回一些inspirations, 我想做一件事不follow 其他人設定給我的既定路線, 我知道可能會有很多犧牲但我相信到死我都會proud of 自己曾經為自己實現過一個夢想。

26年來做每件事我都為了得到別人認同而做, 我只想為我自己做一件事, 不為滿足任何人, 只為我自己。是, 是自私的。

但讓我向生活低頭前自我這最後一次好嗎?

為了成就這件事, 我知道令某些人失望了, 令身邊人傷心難過了。

感謝你們為我的付出與支持, 回來後我一定會報答你們的。

New Era @ TCC

Agency 後是另一間Agency。入Trimaran工作是一個緣份; 見工後的6個月後, 當我已沒有再打算離開gpj, 我突然得到offer...這裡是一個木人巷..一年工作我覺得我工作能力的提升像來自3年工作經驗。說是做event, 但其實絕對不止event；還碰上了sponsorship, PR, media buy, exhibit, collateral production, auction 等等..

又其實我做得好開心 因為我真的學了很多同超有成功感。因為一d原因我離開了..非常捨不得卻又為我間接地帶來了另一個新的旅程。無論如何, 我真心很珍惜這一年, 只是天下無不散之筵席。

同事們常說我有特別待遇, 坦白說, 我不覺得。比起很多朋友我並沒有特別多的bonus, 亦沒有特別豐厚的薪金, 更沒有特權去做特別"荀"的project。手上的,多數是麻煩事, 不會特別跟明星接觸, 沒有高級飯食,沒有出trip的機會...基本上都是大家認為悶同難搞的活動。

但, 我好喜歡我的工作! 因為我可以跟住我的超級老闆。(我幾幸運的,常遇到好上司)

在她身上我真的真的學到太多,  我常跟自己說, 她的每分鐘都很寶貴, 要抓緊機會跟她對話, 得到她的答案使我的project前進!! 每次跟她對話前, 我心入面都會practice一次用最短的時間說完所有重點, 還要想像她會問我甚麼而我要如何回答。每次得到她的"哦""好呀" 總令我很有成功感因為等於她清楚並同意我的progress。

我是踏實的人, 亦理智地認為只有滿意下屬工作的上司, 沒有一個上司是會情感地疼愛你而不管你工作表現的(有特殊關係另計)。工作上我盡了責, 上司滿意, 準時出糧就是我的目標，沒有甚麼錫與不錫的, 又不是我父母。但我感激她有看到我的努力給予我回報, 這當然也是難得。

雖然在trimaran的時間短, 但真的認識了很多好同事,都成為了好好的朋友。我們這一行工作時間長, 常常有災難. 遇上認真工作的伙伴,工作時共患難,出生入死, 總是很易變成好友。我喜歡大家是一條team地工作, 你幫我我幫你，大家都是為工作結果一同努力。討厭無膊頭的人, 上司也好下屬也罷, 對這些人我不屑一顧。

如果 gpj 給我的是正確的工作態度和工作的hard skills, Trimaran給我的便是人事關係的歷練。

數算過去. 過程最開心的是TSL TVB sponsorship，因為自己一手一腳由無artist理我到有多位一線花旦小生戴客戶的珠寶增取到好的coverage。( 當然去ｔｖｂ見到男神同鄭嘉穎吹水都係happy la =D)

最有成功感是Job Fair同星島頒獎典禮；得到Ken Fok既Thank you email同成功感化星島這個客都令我念念不忘。

最辛苦同難忘一定是AOD Ball, 我從來無做過一個project比這個辛苦因為個客是變態的！仲要整理100個來自世界各地的拍賣品，同呢ｄ拍賣品既sponsor coordinate,仲要同時做埋本auction book 同brochure再加其他event logistics 同production....幾個月無日無天無假是辛苦, 但回想起來真的好好玩好有成功感!

無論往後到那工作都好, 永遠感謝曾經遇到的所有人與事, 推著我成長。我真的超熱愛工作...工作狂。