倫敦生活之- 有咩好食(又唔貴?)

關於食, 英國真係無咩特別好食的招牌, 正如好多食家成日話, 有French Cuisine, German Cuisine, 但無English cuisine, 因為英國人咩都食! 一D都唔講究, 好食就得;
在倫敦, 你基本上可以搵到任何國家既菜式.
中國,日本,韓國,越南, 印度,意大利,法國.....仲有一D Classify 唔到的英國傳統食物

好食既野有好多, 最慘係, 好! 貴!
在倫敦出街食一餐晚餐, 普通唔係特別好食的都要15鎊左右....好食的一般都要20鎊或以上...

以下係我最常去食, 好食又唔太貴的小店=D
你要知道...一個人在倫敦..又要交租..真的很窮的!!

1. Franco Manca!!
全倫敦最好食的Pizza!! 佢地有自己石爐焗, 即搓即焗真的好好吃!!
一個pizza 大概10鎊!! 好食!!

http://www.francomanca.co.uk/

2. Bryon !
London 有好多burger 店, 好多都好好食, 有D賣點係大堆頭, 有D賣點係多選擇; 我自已始終最鐘意食Bryon! 佢個漢堡牛肉又厚又juicy真係超正!!! 仲有得揀唔同既cheese...BLUE Cheese is my favorite! 有時對自己好D, 會加錢加portabello mushroom, 好好食架!

http://www.byronhamburgers.com/

3. Vapiano!!!

想食好食既意粉我會來呢度! 間餐廳好得意架, 入去會俾張卡你,之後你就用張卡去叫野食, 食完走果時先去俾錢. Vapiano好似高級canteen, 首先要去food station度叫野食, 之後自己拎野食去搵位! 我去開Oxford Street Topshop 旁邊小街果間, 幾好坐又好食, 又無人會趕你走.

佢有即炒意粉,或者即焗pizza, 但我次次去都係食意粉因為pizza都係覺得franco manca好食D!
意粉佢地係自己用麵粉整,好新鮮好好食; 你可以跟佢MENU揀唔同種類既意粉, 再揀Sauce 同料, 又平又好食!

http://www.vapiano.com/en/home/

4. Breakfast Club

如果想食brunch 或者all day breakfast, 我多數來呢間, 其實唔算超好食, 但幾平同幾好hae! 佢係一間cafe, 有得上網又好坐, 唔太貴, 但經常排隊排長龍!!
因為好多旅遊書都有介紹...人地話soho果間最好食, 但我自已比較鐘意angel果間

http://www.thebreakfastclubcafes.com/

5. Hammersmith River side pub

我住係hammersmith , 放假最愛行5分鐘由king street 去riverside, 你會見到river thames既另一面.
沿住riverside行有公園, 草地...好舒服好好行! hammersmith bridge再行前D 有間Hammersmith pub, 佢係酒巴但其實更似餐廳, 出去露台望住泰吾士河飲一杯食個lunch非常nice!! 重點係!!! 佢的炸魚薯條激好食!!因為真係用啤酒烤架! 烤豬手都係超正! 仲要只係10鎊!!
有機會你地一定要去試呀

寫住5間先, 遲D再寫!

可憐的我在倫敦求醫

上次講到在英國交稅, 有一part叫national insurance.
National Insurance 係用來cover你的medical expense, 即係睇醫生唔洗俾錢.

程序係:
1. 申請National Insurance Number, 打電話上去同佢講你岩岩到英國準備搵工, 佢會問你個人資料, 最緊要俾屋企地址 (短暫唔會搬走的, 因為要寄FORM俾你填)

https://www.gov.uk/apply-national-insurance-number

2. 收到信同Form之後, 就填好去寄番俾佢, 之後大概等2-3個星期job centre 就會寄番個national insurance number俾你. (基本上大部份工都要你有NI先可以請你, 有D好等人用就會叫你俾封申請信做PROF之後後補)

萬一你病左,想睇醫生咁點算?

我就有一個可憐既經歷....話說倫敦冬天真係凍到甩肺; 我又死頂唔想未去到最凍就著羽絨,結果我就病倒...開頭以為感冒, 就自已食必理痛傷風感冒, 但食左成個星期都唔好,仲開始發燒...

於是我就上NHS個網度搵最近自已住果度既疹所, 仲要睇埋果間medical centre仲收唔收新patient!

http://www.nhs.uk/Pages/HomePage.aspx

我一直都懶無去登記...結果病到死先打去預約登記同睇醫生...
而英國人做野係非.常.之.咁....慢!!!!!!
打去預約到睇得醫生已經係兩日後,

果日去到係下午12:30nn..我帶埋passport, national insurance letter, address prof, 就去Reception度登記, 佢俾左6張form我填...填到痴線...之後就有個女仔專做registration既帶左我入房...又量血壓,又問我超多問題,又同我介紹點善用網上資源...我基本上係得番半條命去聽佢講...

終於2:00pm我可以出去等睇醫生! 我去姑娘度俾我個生日日期佢登記睇醫生 (無錯,岩岩果個登記只係登記做呢間Medical centre既patient...而家又再度登記睇醫生...)

之後佢叫我等叫名...當時果度只係得5個人...我等左1.5個鐘!! 5個人都睇完, 新來果D都睇緊..都無叫過我個名!! 於是我去問reception, 點解仲未到我, 佢地話無我個登記紀錄!!
我真係想發din! 我問佢: 你同事同我登記左架喎, 佢話我唔知邊個同事, but I can't find your record, I am sorry but NOTHING WE CAN DO FOR YOU...

我真係又嬲又辛苦....之後我話咁你再幫我登記過啦...
結果又等左1.5鐘...都係無叫我...已經5點..天都黑...個個都睇完走哂都未到我
我行去問佢, 你答我一句, 係唔係唔會今日俾我睇醫生, 你不斷skip 我, 遲過我既都睇緊..
佢話你等啦..仲有2個...
2個之後都係無叫我...我真係火都來埋!
我再去reception, 我話, 我睇唔到有咩理由到而家你都唔俾我睇醫生, 我唯一figure out到我同其他人既difference 就係我係Chinese, 你地間medical centre 係唔係ignore Chinese?!
我喊住同佢講 : Just tell me if your doctor doesn't like to see Chinese and I will leave straight away!

之後佢見我講到咁佢超驚...因為係英國racism係好大件事!
佢先即刻去問醫生...之後就話到我睇...
睇完醫生..佢話我呼吸道感染...開左antibiotics俾我...我用左成日時間結果..就係拎左張藥單..

在英國, 醫生係開藥單架ja...之後你仲要拎張藥單去Boots 或者其他藥房俾錢買藥...
要俾錢架, HK$100蚊到啦....
所以其實national insurance只係包你睇醫生...touch wood 做手術...但其實你病左都係要自費買藥....

希望如果有朋友去英國都健健康康唔好病啦..因為真係好麻煩!
P.S 記得去果時帶多d 成藥去...感冒藥...肚痾藥..咳水....英國d成藥好廢架...

倫敦工作之交稅

關於英國工作假期,已寫了最重要的幾篇(都是比較資料性及悶的)

但仍有一項重點還未寫, 如題 - 交稅。

這是我在英國工作所有事情中, 最最最最最討厭的一項。

英國是瘋狂收稅的....薪俸稅打超重! 每個月會收你大概20%工資稅。

即是: 如果你的薪金是1600鎊 GROSS, 月尾你將會只得到大概1200鎊。

在此先解釋甚麼是Gross, 甚麼是Net, 

當你找工作時, HR 都會問你的Expected Salary 是多少, 是Gross 還是Net ?

Gross 即是含稅的,

Net 即是已扣稅的。

所以如你寫Expected Salary 1600鎊 Net, 你是在要求除稅後得到1600鎊；即是公司實際要付2000鎊給你。在糧單上, 你會見到公司付出2000鎊, 400鎊直接扣給了政府, 1600鎊入了你户口。

又, 20% 其實不全是薪俸稅, 有一部份 (大概1/3) 是政府幫你供一個名為National Insurance的個人保險。我在之前關於申請銀行戶口時提到的National Insurance Number 就是用來給HR 幫你交Insurance Money的

呢個價值每個月150鎊 (以400鎊稅計) 的保險有咩用? 

簡單來講, National Insurance 讓你在留英其間, 不用另外付款就可得到醫生診斷。

你只需要找最近你住處的Medical Center / Hospital , Make Appointment 帶埋Passport 登記,

以後就可以睇醫生,免付費。關於求醫, 我將另外再開一篇詳寫。

講左咁多壞消息,講番個好消息。

第一年在英國工作是有Tax Allowance的, 當初我剛得到糧單, TAX 是 0鎊, 我又開心又擔心, 怕公司幫我報錯稅....點知一問, 原來每個人第一次在英國工作,頭11000鎊賺到的工資是免稅的。由於我2013年10月開始工作, 在2013年4月至2014年4月這個Tax year, 我可以慢慢扣我的Salary Allowance,所以我每個月都唔洗交稅。

我是在2014年4月至2015年4月,第2個Tax year先開始交稅的。

再送一個好消息, 其實所有用Tier 5 temporary worker visa 在英國工作的朋友都可以在離港後申請Tax Refund! 不過只可以申請你離港那年那Tax year,如果上一個Tax year 你賺超出了11000鎊而交了稅,那些稅就不能退了。

如果想知道更多關於英國交稅,可以看看以下網站:

 http://www.hmrc.gov.uk/

記住, 英國稅局經常收錯稅!! 有時亦有機會是你打工的公司沒有給予正確資料, 所以稅局寧收多不收少, 會收你Emergency Tax (即是唔理你賺幾多都收一大筆先) ; 等你如果發現收多左,先自己主動去申請Refund....如果你唔申請Refund, 又唔叫公司更正, 呢D錢你就拎唔番架喇。

所以要留意係唔係收緊你20% Salary 做稅, 如果多過20%, 一定要打電話上去稅局問!

唯一好既地方, 稅局D人都幾Helpful, 打電話去佢會解答你所有問題的。

倫敦工作假期 - 搵工篇

倫敦消費指數很高, 所以建議一到埗就好盡快找工作; 否則單是交租及水電煤已足以讓你戶口元氣大傷。
其實要在倫敦找工作不是太難, 特別是香港人基本能說英語, 廣東話及國語是不愁沒工作的。
英國工作假期跟其他國家不同, 沒有limit在同一家公司只可做多久或要換多少工作。
如果找到喜歡的工作可選擇整整兩年都不轉工。

找辦公室工作是很難的, 因為倫敦現在經濟沒有很好, 很多畢業生都未找到工作; 其次大部份公司除非需要中國人, 否則都會先請本地人, 因為來工作假期的2年後就要離開, 而他們比較希望栽培員工後他能長期留下服務。這邊的人不像香港人, 很多打工的一打就是5-6年, 不常換工作。

如果你真的只想做Office 工, 可以去以下網站找找, Keyword 打Chinese更可找到一些需要中國人的工, 也可set email alert, 有相關工作就會收到email notification 。

www.theguardian.com

www.reed.co.uk

我是在到達倫敦2個星期後找到工作的。
第一個星期希望試試找文職, 但因簽證只剩一年,所以都不是太有運氣。
第二個星期開始急了就send CV到一些Agency, 很快它們就介紹我做時薪計算的Sales, 一小時7鎊; 心想人工這樣低還沒有Commission, 所以沒有接下。
後來我開始四處派CV, 這邊派CV是好普遍的, 我用了一天時間在Bond Street, Westfield (shopping mall), Regent Street 派CV。所有我喜歡的品牌都有派, 全部都是Luxury Brand, 因為他們最需要中國人及最俾得起錢。
不到最後一步, 別試High Street Fashion ( e.g. Zara, Topshop, H&M, Uniqlo) , 因為呢d Shop 係會做死你的, 而且人工好低, 一般只得6-7鎊一個鐘。

我建議:
1. 先試大牌子Boutique, 即係( LV, Prada, Dior, Tod's etc) 街鋪 : 工作地點好, 客人好, Pay 好, 最重要係一般都係開9:30 - 6:30; 等於Office 工, 時間穩定。
2. 其次可試各大百貨公司名牌Concession (Selfridges, Harrods, Liberty, etc) : 唯一比上面差既係工作時間不定, 番夜更有時要10:30先放到工, 而且比較多剩睇唔買既客
3. 最後是 High Street / FMCG shops, 容易請但辛苦同Low Pay

來英國之前最好Print 定30份 CV, 因為倫敦Print 野非常貴! 一張黑白A4街Print 要 1鎊!
去大牌子派CV之前, 就算唔Full Business Attire, 都唔該著Smart Casual, 化好個妝, 有香水噴少少。因為Sales, 特別係大牌子, 係十分十分在乎各下個人形象。而你入去派CV果刻, 就算你無機會同個Store Manager 講野, 好有可能佢已經係背後觀察左你而決定俾唔俾你來Interview。

又, 去派之前, 請做好功課。除非你好熟悉該品牌, 否則上網睇下人地品牌Creative Director 係邊個, Products 價位大概多少, 知道一兩樣signature items 非常重要。因為好有可能你派cv 會同時被邀請立即Interview的。我就係咁樣2日內被請的。1st Day interview with Store Manager, 2nd Day interview with Retail Director.

有Prepare過被請既機會相當高, 因為佢地會以為你係臨場發揮的。
與其用一日時間狂派cv但無準備又唔知派左乜, 不如一日派5 - 8 個牌子, 去之前準備下, 咁樣好快就會搵到工作。

倫敦生活之租屋篇

要在倫敦租屋, 說易不易, 說難不難。

不易係因為一地都係騙局, 呃人既手法層出不窮, 有agency 幫人搵屋收人成千磅手續費;

有業主租屋之後貨不對辦或者額外再收各樣無里頭費用。

不難係因為其實單位有好多, 租之前只要research 好, 認真睇樓, 見下個業主同睇清楚Contract, 問清楚收費應該就無大問題。

我地3個人決定分租一間屋, 一開始大家就傾好心目中個價錢, 對於間屋既要求同埋地點既Preference, 之後就base on 呢d 條件開始搵。

英國搵屋離不開都係以下幾個網站:

www.zoopla.co.uk (我就係在呢個網找到而家住既地方)

www.gumtree.com (呢個有好多單位, 但都有好多呃人, 太模糊比好少資料同相果d千其唔好信)

www.spareroom.co.uk  (呢個之前講過, 出租房多過單位, 同埋比較貴)

在zoopla, 你只需輸入你心目中既條件, 就會search到相關出租單位。我既建議係揀定一個地區來search, 例如我真係幾鐘意Hammersmith, 所以我一開始已經剩係搵Hammersmith 既樓。

關於揀住邊區: 

倫敦分成Zone 1  - Zone 6, Zone 1 係市中心 (即係你所認識所有遊客景點既所有地) ; Zone 6 係最遠 (即係機場同山卡拉)

當然租屋既價格最平係Zone 6, 最貴係Zone 1。無乜必要其實真係唔洗住Zone 1, 一來因為太貴, 二來Zone 2 其實都只係15分鐘車去市中心。 我亦唔建議住Zone 3 - 6 因為有好多黑人或者新移民, 治安唔係咁好。

揀完Zone, 就要揀地鐵線。倫敦唔同香港, 唔係每條線都一樣咁快一樣咁企理同一樣唔Delay,

相反, 只有幾條線 (Piccadilly Line, Victoria Line, Jubilee Line) 係最快, 到最多重要站同最少Delay,最乾淨的。所以如果你決定住Zone 2 - Zone 3 頭, 就可以沿住呢幾條線既Zone 2 - 3 站來搵屋。

我住既Hammersmith就係Piccadilly line zone 2 stations. 

我鐘意住West London, 因為有錢d既英國人多數住West which means 個區本身都幾well established,治安都唔會太差。 East London 就會平d同多d獨立Designer, 個區就會有趣d 年青d但治安麻麻。

講番Zoopla, 因為想慳錢, 我地就搵有2個房一個廳既單位來租; 英國既屋有好多個廳都有門, 叫做Reception Room. 所以其實可以當成一個房咁用。

我係Zoopla 見到心儀單位就打去Post 出來個Agent 度, 係電話我已經問好左間Agent 點收費, 亦都上網睇過其他人對呢間Agent 既review, 看來信得過我先約去睇樓的。

我住既地方5分鐘行到tube stations, 樓下有24小時看更同埋係要入密碼既大門, 基本上好似香港既私人屋苑。我鐘意呢度係因為安全, 比較無咁驚小偷同埋真係好方便。

好快Agent 就幫我地聯絡業主, 雙方傾清楚就簽Contract, 基本上都好順利只係租屋要俾按金which is 7 個星期租, 所以大家要預備好有一大畢錢將會要用來俾Deposit. 走果時先有得拎番。

如果唔係要同朋友一齊住, 其實租房真係方便好多, 因為唔洗自己搞以下既野:

- Wifi Internet ( 令人頭痛既一件事)

- Council Tax Register (英國租屋要俾Council Tax 政府)

- Water bills register

- Gas bill register

所有既Bills 都係令人煩惱, 如果租房, 大部份業主已經搞好哂你就唔洗自己搞。Well 自己住就自由D唔洗Follow  人地既規矩, 自己決定吧 =]

來到倫敦, 住係邊?

講完銀行戶口同電話, 一定要講下搵屋!!

其實唔好以為頭幾個星期一定要住酒店浪費盤川或者捱青年旅館

上網可以幫你預辦所有事情

我來英國之前就係Spareroom.co.uk 呢個網站搵房租。

由於倫敦租貴, 好多人都會出租一間或多間房同人Share間屋來供樓; 又或者有d家庭仔女大個搬走了,就會出租佢地間房幫補家計。

Spareroom就係一間可靠既網上Agent, 做中間人俾出租既人放自己物業既資料上去。

呢個網既好處係, 佢真係非常之User Friendly, 你可以入哂你心目中想租既物業既條件入去,

Filter out 你理想中想住既地區, 可以Afford既價錢等等。

我初初都係聽朋友講邊d區好d安全d,方便d, 同入心目中個價錢去搵房租的。

最後我租左一個女律師既一間房, 廚房同廁所共用; 一個星期屋租150鎊。

坦白不算太平, 可以有更平, 但地區來說我住的Hammersmith 是zone 2的大城市, 距離市中心15分鐘underground車程, 附近有所有要找的商店; 甚至有H&M, TK Max...真的非常方便。

而且我真係唔想同太多陌生人一齊住, 兩個女仔share一間屋就好好, 因為佢係屋主, 一定會好好清理間屋, 而且我唔洗擔心佢會偷我野, 所以都住得幾開心。

我間房:

屋企裝修企理, 有上網, 廁所浴室廚房全部都Well Decorated with full function!

而且個屋主仲幾nice tim! 所以我頭一個月可以無顧慮地去搵工同搵地方搬。

其實屋主都有offer 我長住, 只係我有一個好好既朋友都係倫敦, 佢想搬而我都想同佢一齊住;

又想慳d屋租, 所以就再搵一個Flat for rent

不過後來發現, Spareroom搵Flat for rent 麻麻地, 搵房好好有好多選擇, 但搵成個單位就得好少而且都偏貴, 所以如果要搵Flat 長租就要另外再去睇另一個叫Zoopla既網喇

下篇待續 關於長租下來的Flat!

英國電話卡 - 好介紹 Giffgaff

初初來到英國 除左銀行戶口之外 就係想盡快有電話卡

大部人都會同你講 你要有銀行戶口同住址証明之後 先可以開月費電話號碼

否則就要用Pay as you go  即係臨時電話卡 (增值打電話的SIM)

我當然初來報到都係好低能咁 用左Vodafone既SIM 

由於想Iphone上到網 仲要用有Data既SIM

一個月 我增值左4次 用左大概成50鎊 (HK$600)

後來一齊住的好朋友個男朋友幫佢上網訂左Giffgaff SIM

我先開始接觸 Giffgaff

簡單來講 Giffgaff 係網上電訊公司  沒有門市

玩法係去佢既網頁 輸入你既地址

Giffgaff就會寄一張Free SIM俾你

之後你只要去番Giffgaff homepage登記你張SIM 卡

你就可以有張用到既電話卡

你可以選擇增值用Pay as you go (比其他電訊公司便宜很多)

或者像我選擇Monthly Plan 

12鎊一個月包了500分鐘同Unlimited Data

最好的地方係你唔洗簽任何合約

一個月一個月埋單自己再上Giffgaff網renew 或者選用其他Plan

真係方便好多

另外講番銀行戶口同住址証明呢個問題

Giffgaff唔需要住址証明

亦唔需要持有英國戶口

我用香港張VISA 卡俾錢 一樣過到數 開到卡同用到

至於接收方面更加係無問題

因為Giffgaff係用英國最大電訊provider O2既網絡

所以大部分地方都收得好好

Unlimited 3G Data 更加係超好用 去邊都用到同可以睇片都唔驚爆Data

可恨我當初來果陣唔知道有Giffgaff...白白無左HK$600蚊

希望有其他要來英國既朋友睇到篇文 唔好再俾Vodafone同3 呃錢